Шерхан Мұртазаұлы Мұртаза 1932 жылы 28 қыркүйекте Жамбыл облысының Жуалы ауданында дүниеге келді. Ол — қазақ әдебиетінің көрнекті өкілі, Қазақстанның халық жазушысы, Мемлекеттік сыйлықтың лауреаты.

Мәскеу мемлекеттік университетінің журналистика факультетін тәмамдаған қаламгер баспа және мерзімді баспасөз саласында еңбек етті. «Лениншіл жас», «Жалын», «Жұлдыз», «Қазақ әдебиеті», «Егемен Қазақстан» секілді беделді басылымдарға басшылық жасап, қазақ журналистикасының кәсіби мектебін қалыптастыруға ықпал етті.

1992–1994 жылдары Қазақстан мемлекеттік телерадио компаниясының төрағасы болды, кейін Қазақстан Республикасы Парламенті Мәжілісінің депутаты ретінде қоғам мен мемлекет мәселелеріне белсене араласты. Оның шығармашылық мұрасында тарихи шындық, ұлттық сана, адамдық жауапкершілік және әділет идеялары өзек болды.